HOVDEN TORG

Prosjektet består av fire delar, eller fasar, som til saman skal bli Hovden sin nye samlingsplass med torg og park. Torget (med parkeringsplass) og parken skal planleggjast samla og få eit heilskapleg uttrykk. Prosjektet kan deretter delast inn i fleire byggjetrinn dersom det er ønskjeleg. Parkeringsplassen skal byggjast først.

Anlegget skal utformast som ein fjellpark med lokal vegetasjon og kortreiste material. Mønsteret i torgflata er inspirert av tradisjonelt handarbeid frå Setesdal. Det er foreslått ein parkpaviljong og ein leikeplass med balanselandskap. Handtering av overvatn skal bidra til kvalitet i prosjektet og utformast som eit lite vassdrag.